Poslovne vijesti - Makedonija

Предлог-проекти за ИПА до 14 септември

Јавните организации од Североисточниот, Југоисточниот и Источниот регион може да достават предлог-проекти согласно ИПА повикот за програмата "Прекугранична соработка меѓу Македонија и Бугарија" до 14-ти следниот месец.

Максимален износ на грант е 500.000 евра.

Од Североисточниот регион апликанти може да бидат јавни организации од Кратово, Крива Паланка, Ранковце, Куманово, Липково и Старо Нагоричане. Од Југоисточниот: Валандово, Богданци, Дојран, Радовиш, Конче, Струмица, Василево и Ново Село, а од Источниот регион: Берово, Пехчево, Виница, Кочани, Чешиново Облешево, Зрновци, Пробиштип, Штип, Карбинци, Делчево и Македонска Каменица.

Консалтинг Македонија утре организира советување во Скопје на тема "Како да подготвите проект за програмата "Прекугранична соработка помеѓу Македонија и Бугарија".